Hitzarmenaren duinaren aldeko borrokan murgilduta daude Bizkaiko Bulego eta Langeletako langileak. Bizkaiko Batzar Nagusietako Enplegu, Inklusio sozial eta Berdintasuneko Batzordeak, joan den asteartean, uztailaren 17an arauz besteko proposamen bat izan zuen eztabaidagai, Foru Aldundiak Bulego eta Langeletako sektoreko langileen aldarrikapenak babes ditzan, CEBEKi dei egin diezaion eztabaida prozesua zabaltzeko eta bere konpetentzia eremutik lan egin dezan lan-baldintzak hobetzean. Proposamena baztertua izan zen EAJ. PSE eta PPren botoekin. Bestalde, datorren ostiralean Euskal encounter-era eramango dute euren protesta.
ELA – CCOO – LAB – UGT– ESK – CGT – CNT sindikatuen oharra
Bizkaiko Batzar Nagusietako Enplegu, Inklusio sozial eta Berdintasuneko Batzordeak, joan den asteartean, uztailaren 17an arauz besteko proposamen bat aurkeztu zuten EH Bildu eta Podemosek, Foru Aldundiak Bulego eta Langeletako sektoreko langileen aldarrikapenak babes ditzan, CEBEKi dei egin diezaion eztabaida prozesua zabaltzeko eta bere konpetentzia eremutik lan egin dezan lan-baldintzak hobetzean.
EAJ, PSE eta PPren botoekin izan zen baztertua proposamena.
Zein argudio erabili zuten EAJ, PSE eta PPk euren erabakia defendatzeko?
EAJtik adierazi zuten errespetua erakutsi behar diotela negoziazio kolektiboko mahaiari, bi aldek osatzen dutena, alde bien arteko KONTSENTSUA beharrezkotzat jo arren.
PSEren arabera, aldeen arteko negoziazio kolektiboa ez da Batzar Nagusien ezta Bizkaiko Foru Aldundiaren esparrua.
Azkenik, PPk arabera, gauza bat da Aldundiak bitartekaritza lanak egitea, bi aldeek horrela nahi badute, baina ezin dugu inposatu administrazio batek negoziazio kolektibo bateko parte izatea, “injerentzia” izango litzatekeelako hori.
Zein da Bizkaiko Bulego eta Langeletako sektorearen errealitatea?
Hitzarmen hau Bizkaiko bigarren garrantzitsuena da langile kopuruaren arabera, 23.000 ingururi eragiten baitie.
Hitzarmenak 2013an galdu zuen indarraldia eta ordutik ona bertan zehaztutako baldintza gehienak aplikatzen jarraitzen dira eta krisi urte gogorrenetan ere ez da hitzarmenerarekiko deslotze enpresarialik eman.
Hortaz, praktikan indarrean jarraitzen duten lan-baldintzak dira eta guztiz normalizatuta daudenak.
Hitzarmenaren negoziazioaren egoera
Zer eskatzen dugu sindikatuok?
Orain arte hitzarmenaren mahai negoziatzailearen 17 bilera izan dira.
Puntu bakar bi dituen plataforma bateratua aurkeztu dugu ELA, CCOO, LAB eta UGT sindikatuok:
1. Bizkaiko bulego eta langeletako hitzarmena berreskuratzea 2013an zen bezala.
2. Soldata-taulak eguneratzea urte hauetan galdutako eros-ahalmenarekiko.
Ez da oso argia izan beharra konturatzeko ez garela ari hobekuntzak planteatzen, 2009koak diren lan-baldintza berreskurapen ofizialak baino.
Zer dio CEBEKek aldarrikapen hauen aurrean?
Mahaiaren lehenengo bileratik, CEBEKek adierazi du genuen hitzarmena berreskuratu nahi badugu bide bakarra dagoela: bi alderditan “aldatuz”, hau da, aintzintasuna eta gutxieneko bermean. Eta CEBEKek “aldatu” dioenean, “murriztu” edo “kendu” da benetan esan nahi duena.
Aintzintastasuna eta gutxieneko bermea kendu edo murrizteak soldata mugarik gabe izoztea ekarriko luke praktikan. Horregatik ezin dezakegu onartu.
CEBEK, azken finean, egiten ari dena da PPk inposatutako lan-erreformari esker dituen tresna guztiak erabiltzea mahaia gainean xantaia bat jartzeko: kendu nizun hitzarmena nahi baduzu, esaidazu nola zauden prest berau okertzeko.
Xantaia honetara eramaten gaituzte EAJ, PSE eta PPk inolako lotsarik gabe. Hiru indar politiko hauek eufemismoak erabiltzen dituzte guri onena opatzeko baina beti ere xantaia honen baitan, ez dutelako busti nahi, hori injerentzia bat dela diotelako. Aldeen arteko berdintasunik ez dagoen xantaia esparru honi deitzen diote “negoziazio kolektiboa”. Eta oso lasai geratzen dira horrela.
Zein da gure iritzia horrekiko?
Gure ustez indar politiko ezberdinak jendartearen isla dira, eta euren egitekoaren zati da herritarren ongizate eta eskubideen alde egitea.
Helburu horiek praktikara eramateko daude instituzioak, injustiziaren biktima garenean eurengana jotzen dugun herritarren defentsan modu aktiboan parte eta esku hartu behar dutenak. Bestela, ezer ez egitea arduragabekeria bat da, errespetu falta eta adarjotzea.
Uste dugu irabaziak, zenbakiak eta kapitalaren gainetik beti gaudela pertsonak eta printzipioak. Eta zuek, EAJ, PSE eta PPko jaunak, defendatu ez eta botata uzten gaituzue gure lan-baldintzak okertu nahi dituztenak lagunduz. Badirudi CEBEKez ari garenean, gure ordezkariek ahaztu egiten dutela zertarako izan ziren aukeratuak.
Eta hemendik aurrera, zer?
Urte hasieratik 3 greba egun eta 30 mobilizazio baino gehiago egin ditugu gure hitzarmenaren defentsan. Zuek “negoziazio kolektiboa” deitzen duzuen hori partida desorekatu eta injustua da, batzuk irabazteko karta guztiak dituztena eta beste batzuk bakarra baino ez, mobilizazioa.
Arazo bat duzue eta arduragabe batzuk izaten ari zarete. Ez CEBEK ez zuek ohitura arriskutsua duzue, ez duzue gogoratu nahi nortzuk garen ezta zein indar dugun. Horregatik, mobilizazioaren karta jokatzera goaz.
Bizkaiko Bulego eta Langelen sektorean lan egiten dugun herritarrek, askotan ikuspegi sozial eta teknologikotik funtsezkoak diren azpiegiturak kudeatzen dituzten enpresa eta entitate publiko-pribatuetan maila teknologiko altuko lanak egiten ditugu. Ez zalantzarik izan gure indarraren oso kontziente garela.
Horregatik, epe laburrean, CEBEKekin batera, sektoreko enpresa eta entitateetan zalantzarik gabe gora egin duen gatazka-maila eta bere ondorioen erantzule eta konplize izango zarete.
Epe ertain eta luzea gu geu, zuen erabakiak eragiten dien 23.000 pertsonak, izango gara gure botoarekin egin dugunaren erantzule bakarrak jende dezenteak ordezkatuak izatea edo zuen eskuetan jarraitu nahi dugula erabaki behar dugunean.
Alderdi politikoek lan erreforman ahalbidetutako aldaketek eraman gaituzte hitzarmena galtzera. Alderdi politikoei laguntza eskatzen dieguenean, batzutan langileen eskubideen defentsa eta suspertze ekonomikoa aldarrikatzen dituztenean, EAJ, PSE eta PPk helarazten diguten erantzuna Pontzio Pilatosena dirudien aitzakia etikoa gehiago da Bizkaiko herritarren ordezkariena baino. Gera zaitezte gustora 23.000 langileri laguntzeko konpromisoa saihestu duzuela pentsatuz benetan argudio politak ez direlako nahiko, ekintzak dira axola dutena. Guk aurrera jarraituko dugu gure hitzarmenaren defentsan, zuen laguntza baldin badugu edo ez.