2024-11-22
HomeZerbitzu PribatuakTrenbideakBilboko tranbian lanuzteak uztailaren 15etik udako ordutegia amaitu arte

Bilboko tranbian lanuzteak uztailaren 15etik udako ordutegia amaitu arte

Euskotrenen Batzorde Iraunkorrak Bilboko tranbiarako igandea ez beste gainerako asteko egun guztietarako greba deitzea erabaki du, 2015eko uztailaren 15etik udako zerbitzuaren amaiera arte, 11:55etik 14:00ak arte goizez eta 17:55etik 20:00ak arte arratsaldez. Greba hau Bilboko tranbiako egoitzako langile kaltetuen batzordeak proposatu eta berretsi du. Arrazoia: zerbitzuan eman diren inposizioak.

EUSKOTRENeko BATZORDE IRAUNKORRAREN OHARRA

«2015eko uztailaren 2an Euskotrenen Batzorde Iraunkorrak Bilboko tranbiarako igandea ez beste gainerako asteko egun guztietarako greba deitzea erabaki du, 2015eko uztailaren 15etik udako zerbitzuaren amaiera arte, 11:55etik 14:00ak arte goizez eta 17:55etik 20:00ak arte arratsaldez. Greba hau Bilboko tranbiako egoitzako langile kaltetuen batzordeak proposatu eta berretsi du.

Grebarako arrazoietako bat gidaritza lanari txartel-kontrolatzaile lana gehituko liokeen txanda duen lan-koadroaren inposaketa da (bere funtzioetako bat iruzurraren bilaketa, kontrol eta zigorra delarik). Gure aburuz, txanda hauek arrisku psikosozialak areagotzen dituzte estresaren eta jardunean zehar jasan behar izaten diren mehatxu zein egoera biolentoen ondorioz.

Honen karira, Batzorde Iraunkorrak Euskotrenen Zuzendaritzak Atxuriko tranbiako lan-egoitzarekin zuen akordioa hautsi duela salatzen du; akordio honen arabera, gidaritza-lanak zituzten txandek ez zuten iruzurraren aurkako lanik egingo.

Gainera, erreserba txandari gidaritza-jarduna ezarri zaio eta hori, Bilboko tranbiaren berezitasunak direla medio, zerbitzuaren fidagarritasunaren kalterako da.

Beraz, grebaren xedea txanda mixtoak bertan behera uztea da (gidaritza eta iruzurraren kontrako lana bateratzen dituztenak), eta baita erreserba-txandari gidaritza-jarduna kentzea ere, zerbitzuaren fidagarritasuna ziurtatze aldera. »
 

 

 

AZKEN ALBISTEAK | ĂšLTIMAS NOTICIAS

BetiOn Eusko Jaurlaritzaren telelaguntza-zerbitzuaren hitzarmena sinatu dugu, gutxieneko %30,08ko soldata-igoerarekin

Ostegun honetan, azaroaren 21ean, LAB sindikatuak hitzarmen kolektiboa sinatu du EAEn telelaguntzako eta jarduera soziosanitario osagarrietako zerbitzu publikoa kudeatzen duen Ilunion sozio-sanitario-Ibermática Aldi Baterako Enpresa Elkartearentzat. Honek 80.000 herritar baino gehiago artatzen ditu.Negoziazio luzea eta gogorra izan da. Bi enpresaren eta Eusko Jaurlaritzaren aurkako negoziazioa, azken honek pribatizatzen baitu langileek ematen duten zerbitzu publikoa. Hala ere, langile nekaezin eta aktiboek egindako borrokaren ondorioz, hobekuntza oso garrantzitsuak lortu dira:Soldata-igoera • Gutxienez % 30,08ko soldata-igoera lortu da. Gainera, KPIari lotutako igoera da, eta hori bermatzeaz gain, erosteko ahalmena benetan berreskuratzea dakar. • % 30,08ko igoera hori, oinarrizko soldatari ez ezik, soldata-osagarri guztiei ere aplikatuko zaie.Lanaldi-murrizketa Urteko lanaldia 1.592 ordukoa izango da, eta orain artekoa ia hiru lanaldi osotan murriztuko da.Lizentziak, familia-kontziliazioa eta urteko lanaldia doitzeko egunak: • 12 urtetik 14ra igotzea zaintzagatiko lanaldi-murrizketa. • Ordaindutako lizentzia guztiak parekatzea ahaidetasun sozial gisa izendatutako pertsonarentzat. • Malgutasun handiagoa urteko lanaldia doitzeko egunetan. • Hitzarmen bidez erregularizatzea jaiegun arruntetan lan egiteagatiko konpentsazioa, errege-dekretuaren arabera, LABek aurretik aurkeztutako salaketaren aurrean.LABen argi dugu lortutako hobekuntza guztiak langileen zati handi batek egindako mobilizazio, greba eta batzarrei esker lortu direla. Borroka honek merezi izan du.Jakin badakigu oraindik eduki garrantzitsuak daudela lortzeko, eta LABek horiei aurre egiten hasi nahi du. Sindikatu honek argi dauka BetiOneko langileek zerbitzu publikoa ematen duela eta langile publikoak direla.Gaurtik aurrera, LAB lanean hasiko da langileekin publifikaziorako bidea eta urrats zehatzak adosteko, eta hori onuragarria izango da bai langileentzat bai zerbitzu horren erabiltzaileentzat.Amaitzeko, LABek bere onespen zintzoa adierazi nahi die lan-baldintza bidezkoagoen alde borrokatu diren pertsona guztiei. Iritzi desberdinak, beti legitimoak eta askotan beharrezkoak izan arren, egindako bidea egin gabe ez ziren hobekuntza garrantzitsu horiek lortuko.

Araudiaren erreformak atzeratu egiten du erregularizazio masiboa Atzerritarren Legea indargabetzeko beharrezko urrats gisa

Atzerritarren Legearen araudiaren erreforma onartu zuen pasa den asteartean Espainiako Gobernuak. Maiatzaren 17an sartuko da indarrean, Gizarteratze, Gizarte Segurantza eta Migrazio Ministerioak bultzatuta.

Gizarte Segurantza propioa eskatu dugu, langileen osasuna kontrol eta presioaren gainetik jartzeko

LAB sindikatuko zenbait kidek elkarretaratzea egin dute gaur goizean Iruñean, INSS Gizarte Segurantzaren Espainiako institutuaren bulegoen ondoan, kapitalak langileriari egiten dion kontrol eta presioaren gainetik osasuna eta prebentzioa jar daitezela aldarrikatzeko. LABek Gizarte Segurantza propioa eskatzen du, nafar langileen beharrak benetan erdigunean paratuko dituena.