2024-12-22
HomeEkintza SozialaEAEko aurrekontu proiektua zuzentzeko exijitu dugu, behar sozialei erantzun ahal izateko

EAEko aurrekontu proiektua zuzentzeko exijitu dugu, behar sozialei erantzun ahal izateko


LABeko idazkari nagusi Garbiñe Aranburuk eta Ekintza Sozialeko idazkari Bea Martxuetak agerraldi bat egin dute, Bilbon, EAEko aurrekontuen inguruan. Hain zuzen ere, 2019rako aurrekontu proposamenaren azterketa egin du sindikatuak, eta honen aurrean, eskatzen ditugun lehentasunezko neurrien berri eman dugu. Zentzu honetan, gaiaren inguruko txostena aurkeztuko dugu agerraldian. LABek dauden behar sozialei erantzuteko lehentasunezko neurri hauek eskatzen ditu: enplegua duintzeko aurrekontuak; behar sozialei aurre egiteko aurrekontuak; sektore publikoan enplegua egonkortzera bideratutako aurrekontuak; industria politika eraginkor baterako aurrekontuak.  


Aurreko urteen bide beretik doazen aurrekontuak direla nabarmendu dugu agerraldian; ez dira aurrekontu burujabeak eta sozialak, ezta parte hartzaileak ere.

Aurrekontu hauek ez dute balio errealitate soziala aldatzeko. Ez dute ditugun erronka ekonomiko eta sozialei aurre egingo dien sektore publikoa ez eta politika publikorik bermatzen. 

Ez dira sortzen den aberastasuna hobe birbanatzeko aurrekontuak izango. BPGrekiko gastu sozialen bilakaera murriztuz doa.

Sindikatuaren ustez, aurrekontuen eztabaida ezin da gastuen eztabaidara mugatu. Zerga poltika aldatu eta sarrera gehiago egoteko aukerari uko egiten zaio, patronalaren neurrira eginiko zerga poltika dagoelako hemen.

Uste dugu zerga iruzurrari aurre egin eta zerga politika progresiobago baten alde egin behar dela. EAJ, PSE, PPren artean eginiko azken zerga erreforma bertan behera uztea eskatzen dugu eta zerga politika berri baten aldeko eztabaida soziala aldarrikatzen dugu.

Politika publikoetarako eta gastu sozialerako dirua mugatzen duten aurrekontuak dira. Gastu topea onartu eta zorra ordaintzeari lehentasuna ematen zaio.

Europako beste herrialde batzuekin alderatuz, argi ikusten da zerbitzu sozialetara bideratzen den dirua ez dela nahikoa.

Era berean, berretsi dugu ez direla aurrekontu parte hartzaileak izango. Eztabaida sozialari uko egiten zaio.

Honela gauzak, LABek dauden behar sozialei erantzuteko lehentasunezko neurri hauek eskatzen ditu:

• Enplegua duintzeko aurrekontuak
• Behar sozialei aurre egiteko aurrekontuak
• Sektore publikoan enplegua egonkortzera bideratutako aurrekontuak
• Industria politika eraginkor baterako aurrekontuak

Azken batean, aurrekontu proiektu hau zuzentzeko exijitzen dugu egungo behar sozialei erantzuteko.

 

 

 

AZKEN ALBISTEAK | ÚLTIMAS NOTICIAS

LABek Osalanera eraman du indarkeria matxistaren aurkako bideorria, lantokietako prebentzio sistemetan derrigorrez integratua izan dadin

Gaur, LAB sindikatuak enpresetako prebentzio sisteman indarkeria matxistaren arriskua integratzeko plana aurkeztu du Osalango kontseilu nagusian. Plan horrek lanean ere emakumeek pairatzen duten arrisku...

LABek Ezkirozko BSH lantegiaren eta, oro har, Nafarroako industriaren etorkizunaren aldeko manifestazioan parte hartzera deitu ditu nafarrak

BSH multinazionalak Ezkirozko lantegia itxiko duela iragarri ostean, langileek irmotasunez erantzun zuten abenduaren 18an, Parlamentuaren aitzinean eginiko elkarretaratze jendetsu baten bidez. Hala ere, egoeraren...

Presoen etxeratzea eta behin betiko konponbidea aldarrikatu ditugu Hego Euskal Herriko hiriburuetan

Sindikatuok, Sare Herritarrarekin batera, mobilizazioak egin ditugu gaur Bilbon, Donostian, Gasteizen eta Iruñean, euskal presoen etxeratze prozesua azkartzeko eskatzeko, salbuespen neurriak amaiu daitezen exijitzeko...