2025-03-15
HomeEkintza SindikalaArdogintza sektoreko gehiengo sindikal berriak bestelako negoziazioa posible dela erakutsi du

Ardogintza sektoreko gehiengo sindikal berriak bestelako negoziazioa posible dela erakutsi du

Hilabete asko pasatu ditugu Hitzarmena negoziatzen 2016ko otsailetik, aurreakordioaren iraunaldia ia berau amaitu arte baliatu dugu (aurtengo martxoaren 31an) eta asteak pasatu ditugu bere idazketa egokitzen. Guzti honen ondoren, pasa den abuztuaren 7an argitaratu zen Arabako Ardogintzarako hitzarmena 2016, 2017 eta 2018rako.

Hauxe da LABek eta ELAk gaur argitaratu dugun prentsa oharra:

Inolako azterketarik egin gabe zaila da negoziazio kolektiborik egiterik. UGT eta CCOOek klinikoki hilda utzi zuten 2012-2105 hitzarmena. Euren erabakia izan zen hitzarmena ego egotea, baina berau edukizu hustuz. Antzinatasuneko biurteko guztiak desagertu ziren, malgutasun handiagoa onartu zen eta soldata praktikan izoztea onartu zuten, %1eko igoera hitzarmenak indarraldia izango zuen lau urteetarako.

LAB eta ELAk sinatu berri dugun hitzarmenean edukiak ez dira bakarrik etorri, ez dira zerutik erori, negoziazio kolektiboa beste modu batera planteatzearen emaitza dira, patronalaren azken eskaintza sinadura izan behar dela ez onartzearena. Azkenean, UGT eta CCOOek ere sinatu zuten.

LAB eta ELAren gehiengo sindikala funtzionatu egin du. Edukiak dituen hitzarmena sinatu dugu, sektorearen errealitatea kaleratu dugu, mobilizazioak egingo ditugu, instituzioak interpelatuz, kontzentrazioekin, karabana informatiboekin, sektoreko langileekin asanbladekin, upategietan bertan emandako informazioa, etab.

Besteak beste, %2ko soldata-igoera lortu da 2016rako, %2koa 2017rako eta %2,25ekoa 2018rako, 2019an berraztertuko direlarik.

Aipatzekoa da langile guztiek gutxienez 1.000 euro garbi jasoko dituztela urteko 15 paga bakoitzeko (12 nomina eta 3 paga). Aurrera egiten da baimenetan, aurrejubilazioengatiko kalteordainetan, euskaran, ezartzeko bermea eta beste zenbait kontutan.

Aurreko lerroarekin apurtzen duen hitzarmena da, eta ezertan atzera egiten ez duena. Sektoreko gehiengo sindikal berriak erakusten du posible dela bestelako negoziazioa.

Orain atzerapenak kobratu eta datorren hitzarmenerako negoziazio kolektiboa prestatzen hastea tokatzen da, urtebete barru negoziatzen egongo garena, gutxi gora-behera.

Sektoreko langile guztiak interpelatu nahi ditugu datorren hitzarmenaren negoziazioaren prestaketan aktiboki parte har dezaten.

Berton lan egin, berton erabaki.
 

 

 

AZKEN ALBISTEAK | ÚLTIMAS NOTICIAS

Confebasken jarrera harroputz eta esplotatzailearen aurrean mobilizatzera joko du gehiengo sindikalak

ELA, LAB, ESK, STEILAS, ETXALDE eta HIRU sindikatuok apirilaren 3an mobilizatuko gara, eta deia egiten dugu apirilaren 5ean pentsiodunen mugimenduak gutxieneko pentsio eta soldata duinen alde deituriko mobilizazioetan parte hartze hartzera.

Eusko Jaurlaritzak autoritarismoa alde batera utzi eta bere ardurapean dauden 100.000 pertsonen lan baldintzak hobetu behar ditu

ELA, LAB, ESK eta Steilas sindikatuek elkarretaratzea deitu dute martxoaren 18rako, Eusko Jaurlaritzari sektore publikoko langileen aldarrikapenak aintzat har ditzala eskatzeko. Egun horretan bertan...

LABek salatzen du EEEren negoziazioan argi geratu dela Guardianek duela asko zuela programatua lantegiaren itxiera

LABetik gure erabateko gaitzespena adierazi nahi diogu Guardianek aurkeztutako kaleratze kolektiborako espedienteari. Erabaki honek 171 lanposturen suntsiketa eta eskualdeko enpresa enblematikoenetako bat ixtea ekarriko du. Ez ditugu onartzen enpresak neurri drastiko hau justifikatzeko emandako arrazoiak, ez baititu behar bezala frogatu. Are gehiago, EEE aurkezteko aipatzen dituzten arrazoiak multinazionalak berak eragindakoak dira.