2025-03-18
HomeIndustriaMetalgintzaAmurrioko Tubos Reunidoseko lanpostuak eta lantokiaren geroa bermatu behar dira

Amurrioko Tubos Reunidoseko lanpostuak eta lantokiaren geroa bermatu behar dira

Baieztatu dira gure susmoak, Productos Tubularesen Aldi Baterako Enplegu Erregulazio Espedientearen (EEE) tramitazioa amaitu ondoren, Tubos Reunidosek ezaugarri beretsuak lituzkeen beste bat planteatu du Amurrioko lantegian. Honen aurrean, Amurrioko Tubos Reunidoseko LABen atal sindikalak argi utzi nahi du bere jarrera Aldi Baterako EEE honen aurrean. 

Berriro diogu Aldi Baterako EEE hau ez dela beharrezkoa, enpresak eta Tubos Reunidos Taldeak soberako gaitasuna baitaukate merkatuaren egoera koiuntural honi aurre egiteko, enpresaren emaitzen hobekuntza enpresako langileen edo diru publikoen kontura egin barik. Horren erakusgarri dira aurreko urteetako emaitzak eta hauetan egindako dibidenduen banaketa.

Egoera honen aurrean, enpresak egin dituen proposamen bakarrak izan dira soldaten murrizketa eta lanaldiaren luzapena (zerbait ulertezina eskarien falta argudiatzen denean) eta Aldi Baterako EEE bat ezartzea. Euren jarduera laneko kostuen eta langileon bizkar egin nahi dute, enpresaren jarduera planik planteatu gabe, merkatu berrien bilaketan, produktu berrietan edo ekoizpen sisteman, kudeatzaile moduan eta bere egunean hartu ziren erabakien ondorioz duten erantzukizuna saihestuz.

Tubosen jarduera produktiboaren emaitza beti izan dira irabaziak, gaur egun ere bai. Arazoa taldeak dituen karga finantzarioetan kokatzen da, batez ere duela 9 urtetako finantza-ingenieritzako operazio baten ondorioz. Operazio honekin, zorra 35 milioitatik 200 milioitara pasatu zen. Hau justifikatzeko Condesarekin fusioa aipatu zen. Hau ez zen azkenean burutu, ondorioz, ez dakigu nora joan den edo zertarako erabili den diru guzti hori.

Ulertezina da Aldi Baterako EEEa tramitatzeko prozedura abiatzearekin batera, enpresa egutegi aldaketak egiten ari da eta aparteko orduak erabiltzen. Hortaz, lan falta eta gehiegizko lan-eskuaren argudioak ez dira benetakoak.

Guzti hau kontuan izanda, LAB ez da Aldi Baterako EEE hau negoziatzen ez onartzen sartuko, gure enpresak Aldi Baterako EEEa ezartzeko epea baino harago joango litzatekeen enpleguaren bermea zehazten ez bada (langileok 6 urte beharko genituzke gure langabezia berreskuratzeko). Era berean, enpresaren jarduera plan zehatz eta neurgarria izan beharko luke, etorkizuna, enplegua eta lantegiaren gaitasun produktiboari eustearekiko enpresaren inplikazioa erakutsiko lukeena.

Guzti honengatik, LABen lehentasunak ez dira egongo enpresak langileon isiltasuna erosteko asmoz eskainiko duen soldata-osagarria negoziatzen. Gure lehentasuna lanpostuei eustea eta Amurrioko lantegiaren etorkizuna bermatzea izango da. Ez litzateke ulertuko gure burua klasekotzat dugun sindikatuok lanpostuak ahaztea soldataren osagarri horrengatik.

 

 

 

AZKEN ALBISTEAK | ÚLTIMAS NOTICIAS

LABek Hezkuntza Departamentuari exijitu dio berma ditzala erretiro partzialak eta errelebo kontratuak Nafarroako ikastola eta itunpeko ikastetxeetan

LAB sindikatuko zenbait kidek elkarretaratzea egin dute gaur goizean Iruñean Hezkuntza Departamentuari exijitzeko Nafarroa Garaiko ikastoletan eta itunpeko ikastetxeetan errelebo kontratuak eta erretiro partzialak berma ditzan, murrizketarik egin gabe. Baliteke-eta hemendik aurrera Hezkuntza Departamentuak 2024ko irailean sinatutako Itunpeko eta Ikastoletako Irakaskuntzaren Akordioa baliatzea erretiro partzialak eta errelebo kontratuak ez finantzatzeko bidea hartzeko.

Nafarroako Enplegu Planak lan istripuak betikotzea dakar

34 urteko langilea hil da makina batek harrapatuta Buñuelen, Nafarroan. Iaz Nafarroak zifra errekorrak uzi zituen lan istriputan 26 hildakorekin, eta aurten dagoeneko 11 hildako eragin ditu patronalaren inpunitateak.

Arrazakeriaren kontra kalera ateratzeko deia egiten du LABek

Ostiral honetan, martxoaren 21a, Arraza-bereizkeriaren aurkako Nazioarteko Eguna da. Erregimen arrazista kolonial batean bizi gara, Euskal Herrian modu askotan betikotzen eta sakontzen dena.