2025-03-15
HomeIndustriaMetalgintzaAlerta bete-betean Incoesan une batetik bestera lantegia hustutzera joan daitezkeelako

Alerta bete-betean Incoesan une batetik bestera lantegia hustutzera joan daitezkeelako

Asteburua berririk gabe pasatu ostean, INCOESA atarian 50 lagun baino gehiagok ekin diote asteari. Ordu erabakiorrak bizi dituzte, une batetik bestera zuzendaritza enpresako produkzioa bertatik eramateko bere asmoa gauzatzen has daitekeelako. Ostiralean manifestazioa deitu dute deslokalizazioari ezetz esateko eta lanpostuen defentsan.

Muturreko alerta egoeran daude langileak eta haiekin batera, elkartasuna adieraztera bertara hurbildu zaizkien Arratiako hainbat bizilagun eta herritar.

INCOESAko langileak greba mugagabean eta enpresa aurrean akanpaturik daude maiatzaren 29az geroztik. Zuzendaritzak Bediako lantegia deslekutu nahi du, lana eta langileak Estremadurara eraman (azken horiek derrigorrezko leku-aldatze kolektibo bat inposatuta). Langileek ezezko borobila eman diote enpresaren planteamenduari. Horregatik guztiagatik orain Bediako plantako produkzioa atera eta lantegia hustu egin nahi du enpresak, eta langileek hori eragozteko erresistentzia antolatu dute.

Gertaera horiek ekiditeko, bere momentuan babesa agindu zieten alderdi politiko eta instituzio publikoei dei egiten diete langileek, lantegia hustu eta deslekutzea eman ez dadin esku har dezatela. Eta deia herritar eta bizilagun guztiei ere, Bedian etorkizuna izateko borrokan bat egin dezaten. Bitartean enpresa aurrean jarraituko dute, produkzioa atera ez dezaten.
 

LAB SAREAN
{module[111]}

      

AZKEN ALBISTEAK | ÚLTIMAS NOTICIAS

Confebasken jarrera harroputz eta esplotatzailearen aurrean mobilizatzera joko du gehiengo sindikalak

ELA, LAB, ESK, STEILAS, ETXALDE eta HIRU sindikatuok apirilaren 3an mobilizatuko gara, eta deia egiten dugu apirilaren 5ean pentsiodunen mugimenduak gutxieneko pentsio eta soldata duinen alde deituriko mobilizazioetan parte hartze hartzera.

Eusko Jaurlaritzak autoritarismoa alde batera utzi eta bere ardurapean dauden 100.000 pertsonen lan baldintzak hobetu behar ditu

ELA, LAB, ESK eta Steilas sindikatuek elkarretaratzea deitu dute martxoaren 18rako, Eusko Jaurlaritzari sektore publikoko langileen aldarrikapenak aintzat har ditzala eskatzeko. Egun horretan bertan...

LABek salatzen du EEEren negoziazioan argi geratu dela Guardianek duela asko zuela programatua lantegiaren itxiera

LABetik gure erabateko gaitzespena adierazi nahi diogu Guardianek aurkeztutako kaleratze kolektiborako espedienteari. Erabaki honek 171 lanposturen suntsiketa eta eskualdeko enpresa enblematikoenetako bat ixtea ekarriko du. Ez ditugu onartzen enpresak neurri drastiko hau justifikatzeko emandako arrazoiak, ez baititu behar bezala frogatu. Are gehiago, EEE aurkezteko aipatzen dituzten arrazoiak multinazionalak berak eragindakoak dira.