2025-03-18
HomeIdazkaritzakIdazkaritza FeministaAinhoa Etxaide: “Indarkeriaren alternatiba bestelako jendarte bat eraikitzea da”

Ainhoa Etxaide: “Indarkeriaren alternatiba bestelako jendarte bat eraikitzea da”

Azaroaren 25ean, Emakumeenganako Indarkeriaren Kontrako eguna dela eta, LAB sindikatuak harreman erronda bat burutuko du Hego Euskal Herriko mugimendu feministako eragile ezberdinekin. Harreman horien baitan, gaur, azaroak 23, Donostiako Emakumearen Etxean LABeko ordezkariak Bilgune Feminista eta Malenetxea Emakume Migranteen Elkarteko kideekin batu dira. 

Bilera ostean Ainhoa Etxaidek azaldu du, sindikatuak, azaroaren 25ean, “prekarietatea emakumeen kontrako biolentzia” dela salatuko duela. Muturreko prekarietate egoerak ematen dira, eta honek ezinezko egiten du bizi proiektu bat baldintza duinetan aurrera ateratzea. “Egoera hauei etekina ateratzen dien jendea dago eta beti galtzen ateratzen den emakume gehiegi ere” azpimarratu du Etxaidek. Eta honen aurrean sindikatuak konpromisoak hartuko ditu.

Askotan prekarietateaz hitz egiten dugunean, lan munduan dagoen prekarietateaz hitz egiten dugu eta ahaztu egiten gara edo behintzat ez diogu behar bezalako arreta jartzen lan mundutik kanpo dagoen muturreko prekarietate horri. Martxan jarri dugun bilera erronda honetan “egoera horiek aztertu eta horien aurrean zer egin dezakegun ikusteko baliatuko ditugu”. Gaurkoan adibidez etxeetan lan egiten dutenekin aritu gara elkarlanerako aukerak non dauden bilatzen, zein diren sindikatuak asumitu ditzakegun konpromisoak eta horren kontra borrokatzeko bideak asmatzen.

Azaroaren 25etik haratago eragile feministekin elkarlana indartzeko borondatea dugu. Etxaidek argi esan bezala “indarkeriaren alternatiba bestelako jendarte bat eraikitzea da eta hori ezinbestez feminismotik egin behar da. Beraz bide horri jorratzen jarraituko du sindikatuak.
 

AZAROAK 25
 Prekarietatea indarkeria da, eta bertatik irtetea, zure eskubidea (Izaskun Garcia Bordagarai)

MOBILIZAZIOAK
LAB Gasteizen mobilizatuko da goizean.

ARRATSALDEKO MOBILIZAZIOAK
Donosti
a: 19:00etan Bulebarrean
Gasteiz: 19:30etan Andra Mari Zuria
Iruña: 20:00etan Gaztelu Plazan
Bilbo19:30etan Arriagan

 

 

AZKEN ALBISTEAK | ÚLTIMAS NOTICIAS

Bi langile hil dira aurten luma garabiak erabiltzen ari zirela

S.F.P. 62 urteko langilea hil da gaur goizean, eraikuntza lanetan ari zela, Arratzun, Bizkaian. Amuriza Cubiertas y Rehabilitaciones, SL enpresako langilea, luma garabi batekin baserri batetako teilatura materiala igotzen ari zela, goi tentsioko kable batera gerturatu da eta deskarga bat jaso du.

Mahai Orokorreko sindikatuok greba deitu dugu apirilaren 9rako Nafarroako Administrazio osoan

LAB, AFAPNA, CCOO, ELA eta UGT sindikatuok prentsaurrekoa eman dugu Mahai Orokorrean langile publikoen lan-baldintzen benetako negoziazioa eskatzeko, foro horrek baitu langileen zilegitasuna eta babesa.

Marinaledan egindako SAT sindikatuaren IV. Kongresuan parte hartu du LABek

Sindikatua eraiki, herria eraiki lelopean egin du bere IV. Kongresua Andaluziako SAT sindikatuak; ekintza sindikalean jauzia emateko eta kapitalismoa gainditzeko Andaluzia burujabearen norabidean aurrera egiteko bokazioarekin.