2024-07-22
HomeIdazkaritzakEuskara IdazkaritzaMurrizketak Udal Euskaltegietan

Murrizketak Udal Euskaltegietan

LAB eta ELA sindikatuen ustez, ezin esan genezake erakundeetatik inoiz euskarak behar duen moduko hizkuntza-politikarik egin denik, baina Eusko Jaurlaritzara PSE heldu zenetik egoerak nabarmen egin du okerrera. Komunikabideetan, hezkuntzan, unibertsitatean, administrazioan… hainbat sektoretan jasan behar izan dira eraso eta atzerapausoak. Euskalduntze-alfabetatzeari dagokionez, ez da gutxiagorako izan.
Ez dago esan beharrik lehen ere zertarako, zergatik eta nola sortu ziren Udal Euskaltegiak, nola desagertarazi zituzten HABE euskaltegiak, eta abar. Gaur egunera etorrita, PSE-k egin dituen murrizketak eta erasoak etengabeak izan dira euskaltegiekiko zein ikasleekiko, sektore publikotik bermatu beharko litzatekeen eskubidea da euskararen ezagutza, baina gero eta gehiago zailtzen ari zaie eskubide hau herritarrei.

Horri krisiaren aitzakian egindako murrizketak gehitu zaizkio, egoera itogarria bihurtuz hainbat kasutan. Murrizketak, jakina denez, sektore publiko osoan gertatu dira, baina Udal Euskaltegiek pairatu dituzten murrizketak bi aldetakoak izan dira: udalen euren murrizketak eta Jaurlaritzarenak. Udal gehienen egoera ekonomikoa larria dela kontuan izanda, euren menpe dauden euskaltegi publikoen biziraupena ziurtatzeko, Eusko Jaurlaritzaren baliabide ekonomikoak ezinbestekoak dira, eta hauek dira, hain zuzen ere, murrizketa handiena pairatu dutenak.

HABEk udaletxeekin adosten du Udal Euskaltegien finantziazioa, baina diru laguntzak emateko irizpideak HABEk berak ezartzen ditu; aldebakarreko erabakia da, beraz. Hori gutxi balitz, ikasleek ordaindu beharrekoa, euskaltegiek zer nolako zerbitzua eman behar duten, langileon betebehar asko, eta abar erabakitzeko orduan HABEk berak jartzen ditu baldintzak, dirulaguntzekin xantaia eginez.

Egoera honen erdian gaude langileok. Euskaltegien biziraupenari lotuta daude gure lanpostuak eta euskaltegiaren egoerari lotuta gure lan-baldintzak. Udal langileak garen neurrian udalaren murrizketak jasaten ditugu. Bestalde, udaleko lan hitzarmena izan arren, HABEk gure jardunean duen zeresanagatik, arazoak izan ditugunean gauzak norekin argitu behar ditugun ez dugu inoiz argi izan. HABE eta EUDELen arteko pilota partida izan da beti. Batekin eta bestearekin negoziatu izan dugu askotan baina ohi bezala, ….nagusi biren astoa goseak hil! Azkenik, udal bakoitza mundu bat denez, Udal Euskaltegietako lan baldintzen artean desberdintasun nabariegiak sortu dira, sektorearen barne kohesioa eta koherentzia ezinezkoa bihurtuz.

LAB eta ELA sindikatuetik, euskararen normalizazioaren eta zerbitzu publikoen alde egiten dugun neurrian, euskalduntze-alfabetatze sistema publiko duin eta doako baten alde egin dugu eta egingo dugu.

Udal Euskaltegietan murrizketarik ez!

Euskal Herrian, 2012ko ekainaren 4an
Udal Euskaltegietako LAB eta ELA

AZKEN ALBISTEAK | ÚLTIMAS NOTICIAS

LABeko kideak Mugak Zabaltzen karabanan

Balkanetara eginiko Mugak Zabaltzen karabanan parte hartu dute aurten ere sindikatuko hainbat afiliatuk. Ekimen horren helburua da salatzea Europa insolidario honek armak saltzen dituela eta bere mugak militarizatzen dituela.

Esparru propioa sendotu dute kurtso honetan LABek sustatutako ia 200 borroka sindikalek

Gorantz egin dute enpresetako gatazkek eta irekitako 10 borrokatik 4 itxita daude, eduki anitzagoekin.

Langileen aldeko politikak bultzatzeko eta zerbitzu publikoak hobetzeko eskatu diogu Pradales Lehendakariari

Osakidetzan langileen gehiengorik gabe herri itunik ez dela posible izango ohartarazi diogu.