Gaur, LAB, ESK, ELA, CCOO, UGT eta USO sindikatuetako ordezkariek agerraldia egin dute Gasteizen, Arabako OSIko garbiketa zerbitzuko kontratetako langileek Garbialiren aldetik pairatzen ari diren errepresio sindikala publikoki salatzeko. Guzti hau Osakidetzaren elkar hartzearekin gertatzen dela adierazi dute.
SINDIKATUEN OHARRA
Arazo hau handitu egin da, izan ere sindikal markoan CUT zeneko sindikatua protagonista bilakatu da, plantillaren interesen alde egin beharrean, enpresarekin lerrokatzen baita: lanpostu hutsen estaldurari buruzko epaiketa batean, enpresak planteatutakoa defendatu dute; langileen lan harremanak negoziazio prozesuan dagoen hitzarmen autonomiko baten baitan adosten direla arbuiatuz, enpresarekin sasi-hitzarmen bat negoziatzen saiatzen ari dira; araudiaren arabera langileen ordezkariei helarazi beharreko informazio ematea urratzen dute,…
Hori gutxi balitz, sasi-sindikatu horren arduradun nagusiak enpresa beraren erdi-mailako arduradunak dira.
Gaur egun, GARBIALDIk ESI Arabako garbiketa zerbitzu guztien kontzesioa du: Txagorritxuko Ospitalea, Santiagoko Ospitalea, Kanpo Kontsulten Eraikina, eta Osasun Zentroak.
Testuinguru honetan, denboran zehar errepikatzen diren eta plantilaren langile zehatz batzuen aurka zuzentzen diren eskubideen urraketak ematen dira. Honek jazarpenaz hitzegitera garamatza. Kaleratzeak, zigorrak, justifikaziorik gabeko ukatzeak egun libreak hartzerako orduan, zereginen banaketa desorekatuak. Aipagarria zerbitzuburuak langileak haren bulegora deitzen dituenean, hauei sortzen zaien kezka: ez dakite haien nagusiarekin ari diren ala Komiteko presidentearekin. Nahaste hori formazio kurtsoetan ere ematen da, izan ere hezitzaileen aldetik CUT sindikatuaren aldeko proselitismoa burutzen da.
Guzti honek plantillaren zati handi batean beldurra nagusitu izana ekarri du. Batzuen nahia menderatu dute, baina beste batzuena oraindik ez. Hala ere langile batzuek erakusten ari diren duintasunaren gainetik, haien osasuna kaltetzen ari da. Eta hau bai ezin dugula inolaz ere onartu. Hitzegiten ari gara haien lanpostura joateagatik soilik gaixotzen ari direla, Hau oso larria da!
Guzti hau ez litzateke gertatuko, Osakidetzak onartuko ez balu. Hori dela eta salaketa publiko hau hari zuzenduta doa ere. Argi eta garbi esan behar dugu jazarpen egoera honen azken erantzulea Osakidetza dela. Administrazioak ezin du zerbitzu bat
azpikontratatu, eta ondoren beste alde batera begiratu. Zerbitzu bat ematen ari dieten langileen egoeraz jarraipena egitea haren ardura da. Hala ere badakigu Osakidetza egoeraren jabe dela; orain dela urte bat egoera kezkagarriaren berri eman genien Osakidetzako goi karguei; gaia aztertzeko denbora eskatu ziguten eta erantzun bat emateko konpromisoa hartu zuten, baina urte bat geroago erantzunak eta irtenbideak jasotzeko esperoan gaude. Argi esan dezatela, Osakidetzari ez al diote inporta langile hauen lan baldintzak? Ala pertsona hauekiko zeozer ezkutatzen ari dira?
Gure ustetan guztiz onartezina da patroi batek bultzatuta langileen antolakundeak sortzeko neurriak. Holako kasu baten aurrean gaudela deritzogu. Lotsagabea da GARBIALDIk eta Osakidetzak CUT sasi-sindikatuari ematen dioten babesa. Adibide gisa esatea, haien interesen alde hainbat aldiz elkarrekin egon dira epaitegietan; Sasi-sindikatu honen helbide soziala eraikin publiko batean aurkitzen da, Txagorritxuko Ospitalean hain zuzen.
LAB, ESK, ELA, CCOO, UGT eta USO sindikatuok ez gara geldirik geratuko. Gure diferentzia ideologikoen gainetik, oinarrizkoa deritzogu langile hauek pairatzen duten jazarpen etengabea bateratuta salatzea. Osakidetzako zuzendaritzari bilera berri bat eskatuko diogu. Eta oporretatik bueltan ez ditugu mobilizazioak baztertzen eta gure eskuetan dagoen guztia egingo dugu ESI Arabako kontratetako garbiketa zerbitzuko langileek pairatzen ari diren kalbarioarekin amaitzeko.