2025-04-19
HomeEkintza SindikalaBeharrezkoa da iruzurrerako lekurik utziko ez duten ordutegiaren kontrolerako mekanismoak ezartzea

Beharrezkoa da iruzurrerako lekurik utziko ez duten ordutegiaren kontrolerako mekanismoak ezartzea

Gaur egun, ordutegiekin lotutako bi arazo nagusi nabarmendu nahi ditu LABek. Batetik, aparteko orduak. Izkutatu egiten dira eta desagertaraziko balira, milaka lanpostu sortzeko aukera emango lukete. Afera honi muinetik, sakonki eta seriotasunez heldu behar zaio, lanaren eta aberastasunaren banaketa justu eta orekatu bat helburu. Eta prekarietaren kontrako borrokatik ere heldu behar zaio, lanaldi mugatu eta arautua soldata duinekin lotuta joan behar delako. Bestetik, lanaldiarekin lotutako gehiegikeriak, azkoz larriagoak direnak gure prekarioenetan. Era desberdinetakoak izaten dira sektorearen arabera. Horrela, ordutegitik kanpora lanaldia luzatzea bezalako praktikak ditugu merkataritza eta zaintza lanetan, edo lanaldi murriztu izanda, lanaldi osoan egitera behartzea, ostalaritzan gertatzen den bezala. Bi arazo hauei aurre egiteko interesgarria izan daiteke lanaldia kontrolatzeko neurriak izatea.

Dekretuak lanaldia kontrolatzeko mekanismoak ezartzea planteatu arren, ez du zehazten neurri hauek zeintzuk izan beharko liratekeen, eta honek, ateak zabalik uzten dizkio iruzurra eta manipulazioari. Adibidez eskuz eginda, langile prekarioenek ezin diotenean aurre egin ez dutelako aukerarik idatziz beraiek benetan egindako lanaldia agertzea exijitzeko.

LABen arabera, beharrezkoa da iruzurrerako lekurik ez duten mekanismoak ezartzea, eta horregatik, tresna elektroniko eta digitalak defendatzen ditu lanaldia kontrolatzeko, patronalak bere onerako manipulatu ezingo dituenak.

Lanaldia kontrolatzeko dekretuari dagokionez, patronalak langileak kontrolatzeko erabil dezake. Eta hori, kezkarako iturri da LABentzat, honezkero prekarietateak zeharkatzen duen egoera koska bat gehiago estutu dezakeelako.
 

 

 

AZKEN ALBISTEAK | ÚLTIMAS NOTICIAS

Enviserreko langileek greba gogortu dute, protestaren hirugarren astean

Hiriko parkeak, lorategiak eta eraztun berdea mantentzeko Gasteizko Udalaren kontrata den Enviser enpresako langileek hiru aste bete dituzte greban. Baldintza duinak jasoko dituen hitzarmen propio bat lortzea da beren helburua. Hainbat langilek Gasteizko udaletxearen aurrean pasa dute gaua, azken honen inplikazioa eskatzeko.

LABek ontzat jo du Iruñeko Udalaren eta alokairuzko bizikleten enpresaren artean sinaturiko akordioari esker langileei zor zitzaizkien soldatak ordaintzea

LAB sindikatuak duela bi aste salatu zuen Ride On Pamplona Iruñeko alokairuko bizikleta elektrikoen zerbitzuko langileak egoera larrian zeudela, sei hilabete baitzeramatzaten nominak berandu kobratzen eta, gainera, enpresak bi nomina oso zor baitzizkien. Iruñeko Udalak eta Ride On-ek gaur iragarri duten akordioaren arabera badirudi zerbitzuaren jarraipena bermatuko dutela eta enpresak berehala kitatuko dituela langileekin dituen zorrak.

LABek salatzen du milaka gutun banatu gabe daudela Gasteizen Correoseko langile faltagatik

Langilerik ez kontratatzearen ondorioz, kaosa sortu da azken hilabeteetan posta-banaketan, eta inoiz ikusi gabeko egoetara iristen ari da. Kontratazioan murrizketa hain handia da, kasu askotan ez dela inor ordezkatzen ari. Adibidez, Alde Zaharreko postariak urte erdi baino gehiago darama bajan, ordezkatu gabe.