Lagupreseko langileek greba mugagabea hasiko dute bihar, uztailaren 17an, enpresan hitzarmen kolektiboa negoziatzeko. Enpresa Muskizen kokatuta dago, eta katalizatzaileak garbitzen ditu hainbat herrialdetan dauden birfindegietan, besteak beste, Petronorrek Euskal Herrian duenean. Langileei Kataluniako Eraikin eta Lokalen Garbiketako Hitzarmen Kolektiboa aplikatzen diete, euren lan-baldintzak okerragotzen dituena. Enpresak horretarako erabiltzen duen irizpidea da Tarragonan beste lan-zentro bat duela. Langileak Huelvan daude gaur egun, CEPSAko birfindegiko geldialdian katalizatzaileak garbitzen. Hau probestuz, LABek bihar hasiko den greba mugagabea deitu du.
AZKEN ALBISTEAK | ÚLTIMAS NOTICIAS
EAEko gobernu berriaren aurrekontuak langileon parte hartzerik gabe zehaztu dira
Sakoneko eztabaidari heltzeko borondatearekin batera proposamen zehatzak egiteko prest dagoela azaldu du LABek, langileen aldeko politikak egiteko garaia dela azpimarratuz.
Greba egunak deitu ditugu abenduaren 5ean eta 7an Arabako ostalaritzan, hitzarmen duinaren alde
Arabako ostalaritzako langileek lau urte daramatzate hitzarmenik gabe. Lau urte lanaldia murriztu gabe, lau urte soldata-igoerarik gabe eta, beraz, erosteko ahalmena galduta. Lau urte kontziliazio-neurri berririk gabe, baimen berririk gabe.
Jakinarazi dugu 2024an Nafarroako 5 langile gehiago hil direla, eta Nafarroako Gobernuari exijitu diogu nafar langileen heriotza etengabeari amaiera emanen dioten neurriak hartzeko
Gaur egin duen agerraldian LAB sindikatuak jakinarazi du 2024an zenbatuta zeudenak baino 5 langile gehiago hil direla. Hala, aurten, azken urteetako tasa guztiak apurtu ditu Nafarroak, 2024 honetan dagoeneko 26 lan heriotza izan baitira. Egoera larri horren aurrean, LABek uste du Elkarrizketa Sozialaren Kontseiluak barnebiltzen dituen CEN patronaleko enpresarien, eta UGT eta CCOO sindikatuen interes korporatiboak ezin direla jarri langileon osasunaren eta bizitzaren gainetik eta, ondorioz, Gobernuari exijitu dio Nafarroako Lan Osasuneko Kontseilua aktibatzea, bertan egoera zuzentzeko beharrezkoak diren neurriak har daitezen.