2025-03-11
HomeIndustriaFederazioaPatronalaren jarrera "antisoziala, arduragabea eta mafiosoa" salatu dugu Bilbon

Patronalaren jarrera “antisoziala, arduragabea eta mafiosoa” salatu dugu Bilbon

Bada garaia hitzarmenak eguneratzeko eta industriako langileen lan baldintzak hobetzeko, guztion lan baldintzak hobetzeko. Bada garaia industrian aberastasuna banatzeko. Hain zuzen ere, hauxe izan da LABek egunotan zabaldu duen aldarrikapena, mobilizazioen bitartez. Lehen protesta Donostian egin zuen sindikatuak, asteartean, Gipuzkoako enpresen elkarte Adegiren egoitzaren aurrean; bigarrena asteazkenean izan zen, Gasteizen, Arabako enpresarien elkarte SEAren egoitzan; hirugarrena ostegunean etorri zen, Iruñean, Nafarroako enpresarien elkargo CENen aurrean. Bada, mobilizazio sorta hauekin amaitzeko, LABek manifestazio bat egin du gaur Bilbon, euskal enpresen elkargo Confebasken egoitzatik abiatuta.

LABeko Industria federazioko kide Iñaki Alkortaren hitzetan, “patronalaren jarrera antisoziala, arduragabea eta mafiosoa salatzeko mobilizatu gara gaur Bilbon, bereziki, Confebask eta CEBEKen jarrera salatzeko. Ekonomia gorantz doala esaten betetzen zaie ahoa, kopuruak ematen dituzte gainera, baina, hau gertatzen den bitartean, hamar langileetatik seik ez dute hitzarmenik edo euren hitzarmena ez dago indarrean. Honekin bukatu beharra dago. Langileen bizitza erdigunean jartzeko garaia da, eta ez enpresen irabaziei buruz hitz egiteko garaia. Errealitate honi buelta eman behar zaio”.

LABeko ordezkariaren esanetan, “gero eta prekarietate gehiago dago. Gazteek gero eta zailtasun gehiago dituzte industrian modu duinean lanean hasteko eta sektoreak %19ª bakarrik da emakumea. Onartezina da hau guztia. Sortzen ari den aberastasun hau guztia, milioika eta milioika euro, beste modu batean banatu behar da”.

 

 

 

AZKEN ALBISTEAK | ÚLTIMAS NOTICIAS

LABek Tafallako eta Erriberriko larrialdiko arreta berrantolatzea exijitzen du

Iazko irailaren 26an, Erriberriko larrialdiko arreta zerbitzua itxi zuten, eta Tafallako eskualdeko larrialdi zerbitzua egoera kezkagarrian dago. Hori ikusita, ezinbestekoa da Tafallaldeko larrialdiko arretari berehalako konponbide orokor bat ematea. Langileek eta herritarrek egoera salatu dute, eta adierazi dute ezen, Erriberriko larrialdi zerbitzua itxi ondoren, lehenengo arreta ematea langile ez-sanitarioen esku utzi dela, zehazki, administrarien esku. LABek horren berri eman zion duela hilabete batzuk bai Oinarrizko Osasun Laguntzako Zuzendaritzari, bai Ospitalez kanpoko Larrialdien Zuzendariordetzari. Hala ere, konponbideak jarri beharrean, funtzionamendu berarekin jarraitzen dute, herritarrei ematen zaien zerbitzuaren gabeziak konpondu gabe.

LABek eskubide murrizketa salatu du Bilboko El Corte Ingles-en

LAB Bilboko El Corte Ingles-en aurrean mobilizatu da langileen lan-baldintzen errealitatea enpresak saltzen duen bikaintasun-iruditik oso urrun dagoela salatzeko.

GUREAKek laneko bajak ez izatera kondenatzen ditu aniztasun funtzionala duten langileak

Mutualia erabiltzen du horretarako, ez baitu onartzen laneko istripuen jatorri laborala. Langileen minusbaliotasunak koartada gisa erabilitzen ditu, eta, hala, lanak eragindako kalteak aitortzea saihesten du.