Nafarroako Foru Komunitateko hezkuntza publikoko sindikatu guztiok (LAB, STEILAS, ANPE, AFAPNA, CCOO, ELA eta UGT) 2024ko irailaren 26rako, ostegunerako, greba deialdia erregistratu dugu Iruñean, Hezkuntza Departamentuan.
Administrazioaren aurrean sektore publikorako lan-hobekuntzak denbora luzez aldarrikatu ondoren, Hezkuntza Departamentuak eta Nafarroako Gobernuak ez diete jaramonik egin gure eskaerei: ratioak jaistea, erosteko ahalmena berreskuratzea, lan-gainkarga murriztea eta irakaslegoaren egonkortzea.
Horregatik guztiagatik, irakaskuntza publikoko irakasleak ordezkatzen ditugun sindikatuok adierazi dugu nazkatuta gaudela administrazioaren negoziazio faltarekin.
Mobilizatzeko unea iritsi da, eta dei egin diegu irakasle guztiei irailaren 26an grebarekin bat egin dezaten.
![](https://www.lab.eus/wp-content/uploads/2024/09/Gure-txanda-da-1.jpg)
![](https://www.lab.eus/wp-content/uploads/2024/09/KARTELA-GREBA-1-725x1024.jpg)