2024-07-23
HomeZerbitzu PribatuakElikagaigintzaSelectako Nafarroako langileek hainbat mobilizazio egiten jarraituko dute enpresak konponbide errealak planteatu...

Selectako Nafarroako langileek hainbat mobilizazio egiten jarraituko dute enpresak konponbide errealak planteatu arte

Kaleratzeak eta Nafarroako ordezkaritzako langileen lan baldintzak erabat aldatuko lituzkeen enpresa hitzarmen bat sinatzeko beharra mahai-gaineratzen segitzen du Selectak. Horren aitzinean, Nafarroako langileak mobilizatzen segitzeko prest daude.

Kafea, edariak eta antzekoak ematen dituzten makina automatikoekin lan egiten duten Pelican Rouge eta Selecta enpresek iragan urteko abenduan burutu zuten fusioaren ondorioz, enpresak enplegua erregulatzeko espediente bat atera nahi du aurrera. Ez da ez Nafarroako ordezkaritza honetako langileek halako zerbait bizitzen duten lehenbiziko aldia, eta dagoeneko nazkatuta daude halako mehatxuekin.

Azken mehatxu honen hasieran, Selectak iradoki zuen Nafarroako ordezkaritzan 14 langile kaleratuko zituela, eta lan egiten segituko zutenen baldintzak zeharo kaskartuko zituela. Orain, Selecta saiatzen ari da negoziozio batzordearekin akordio bat lortzen. Batzorde hori Madrilen dago eta bertan, batez ere, UGTk eta CCOOk hartzen dute parte. Akordio horren arabera kaleratze gutxiago izanen lirateke -ez dakigu zenbat-, eta lanean geldituko liratekeenen baldintzak izoztuko lituzkete, baldin eta enpresako hitzarmen berria sinatuko balitz.

Nahiz eta Nafarroako ordezkaritzak azkenaldian behin eta berriz irabaziak izan dituen, LABeko delegatuok argi dugu zer nahi duen enpresak: bere irabaziak handitzea langileen lan baldintza prekarizatuz. Eta enpresaren estrategia zein den argi dugu gertutik bizi izan dugulako beste enpresa batzuetan: kontratazio berriekin soldata eskala bikoitza sortuko dute, enpresaren arazoak langileen eskuetan utziz, eta horrela, komeni zaiolarik, enpresak langile “garestienak” kaleratuko ditu.

LABeko delegatuek eta ordezkaritza honetako langileek hainbat mobilizazio egiten jarraituko dute, Selectak konponbide errealagoren bat mahai-gaineratu arte.
 

 

 

AZKEN ALBISTEAK | ÚLTIMAS NOTICIAS

Microliquideko langileen asanbladak enpresaren azken proposamena ontzat eman du

Langileen mobilizazioei esker Enplegu Erregulazio Espedientearen baldintzak hobetu egin dira.

LABeko kideak Mugak Zabaltzen karabanan

Balkanetara eginiko Mugak Zabaltzen karabanan parte hartu dute aurten ere sindikatuko hainbat afiliatuk. Ekimen horren helburua da salatzea Europa insolidario honek armak saltzen dituela eta bere mugak militarizatzen dituela.

Esparru propioa sendotu dute kurtso honetan LABek sustatutako ia 200 borroka sindikalek

Gorantz egin dute enpresetako gatazkek eta irekitako 10 borrokatik 4 itxita daude, eduki anitzagoekin.