2025-03-11
HomeEkintza SozialaHelduak eta PentsiodunakAdinekoen beharrizan guztiak aintzat hartzeko exijitzen dugu

Adinekoen beharrizan guztiak aintzat hartzeko exijitzen dugu

Urriak 1 Adinekoen Nazioarteko Eguna da. LABen Heldu eta Pentsionisten Arlotik,, nazioarteko egun horren atarian, adinekoei zor zaien arretaren kalitatearen aldeko apustua egiten dugu, baldintza duinak izango dituen bizitza bermatuz, pobrezia eta estali gabeko menpekotasun egoeretatik libre.

Instituzioei exijitzen diegun biztanleriaren ia %25a bertan behera ez uztea, asetzen ez diren gero eta beharrizan gehiago dituzten pertsonak. Horregatik, lanean jarraitzen dugu Adineko eta Pentsionisten Eskubideen Kartaren edukiak. Bertan, puntu hauek aldarrikatzen dira besteak beste:

• Bizitza duinerako eskubidea: indepedentzia pertsonala, diru sarrera nahikoak, egoera fisikoaren araberako etxebizitza, elikagai, jantzi eta abarren bermea eta gure kultura eta hizkuntzara sarbide osoa.

• Gizon eta emakumeen arteko berdintasuna eskubide eta betebeharren aldetik: berdintasunean atsedena hartzeko eskubidea, etxeko lanak berdintasunean, eta nagusien kontrako tratu txarren gaitza erauzteko borrokan egitea.

• Babes eta Segurtasun Sozialerako Euskal Sistemarako eskubidea, doako eta kalitatezko osasungintza publikoa.

• Gure baldintza fisikoetara egokitutako etxebizitza; honetan eta inguruan irisgarritasuna eta mugikortasuna.

• Gure pentsioak Euskal Herrian arautu, ordenatu eta kudeatzeko eskubidea. Nahi duguna da lan egin eta kotizatu dugun eta bizi garen lekuan zehaztea gure pentsioen ingurukoak.

• Zerga sistema progresiboa: gehien dutenak eta gehien irabazten dutenak izateko gehien ordaintzen dutenak. Justizia sozialean oinarritutako sistema aldarrikatzen dugu.

• Partehartzerako eskubidea: Eragiten diguten kontu guztietan parte hartu eta erabakitzeko dugun eskubidea errespetatu eta bermatu behar da. Gure arazo, gabezia eta beharrizanak ezagutzen digutunok partehartzerako eta kontsultatuak izateko eskubidea aldarrikatzen dugu.

Horregatik, LABetik, egun honetan adinekoek duintasunez bizitzeko duten eskubidea aldarrikatzen dugu, gure beharrizan guztiak estaliak izatea eta instituzioek euren betebeharrak bete ditzatela eta ez dezatela jarraitu gure eskubideak murrizten.
 

 

 

AZKEN ALBISTEAK | ÚLTIMAS NOTICIAS

LABek Tafallako eta Erriberriko larrialdiko arreta berrantolatzea exijitzen du

Iazko irailaren 26an, Erriberriko larrialdiko arreta zerbitzua itxi zuten, eta Tafallako eskualdeko larrialdi zerbitzua egoera kezkagarrian dago. Hori ikusita, ezinbestekoa da Tafallaldeko larrialdiko arretari berehalako konponbide orokor bat ematea. Langileek eta herritarrek egoera salatu dute, eta adierazi dute ezen, Erriberriko larrialdi zerbitzua itxi ondoren, lehenengo arreta ematea langile ez-sanitarioen esku utzi dela, zehazki, administrarien esku. LABek horren berri eman zion duela hilabete batzuk bai Oinarrizko Osasun Laguntzako Zuzendaritzari, bai Ospitalez kanpoko Larrialdien Zuzendariordetzari. Hala ere, konponbideak jarri beharrean, funtzionamendu berarekin jarraitzen dute, herritarrei ematen zaien zerbitzuaren gabeziak konpondu gabe.

LABek eskubide murrizketa salatu du Bilboko El Corte Ingles-en

LAB Bilboko El Corte Ingles-en aurrean mobilizatu da langileen lan-baldintzen errealitatea enpresak saltzen duen bikaintasun-iruditik oso urrun dagoela salatzeko.

GUREAKek laneko bajak ez izatera kondenatzen ditu aniztasun funtzionala duten langileak

Mutualia erabiltzen du horretarako, ez baitu onartzen laneko istripuen jatorri laborala. Langileen minusbaliotasunak koartada gisa erabilitzen ditu, eta, hala, lanak eragindako kalteak aitortzea saihesten du.