Bake prozesua indartzeko Foro Sozialak hitzaldi bat egingo du asteazkenean, Donostian, Berghof Foundation elkarteko kide Veronique Dudouet eta UPV-EHUko irakasle Aitzpea Leizaolaren eskutik. Aieteko jauregian izango da, 17:30ean.
ELA, LAB, ESK, Steilas, Etxalde eta Hiru sindikatuek salatu dute CEN, UGT eta CCOOek uko egin diotela Nafarroarako gutxieneko soldata negoziatzeari, nahiz eta milaka langileren bizi-baldintzak hobetzea ekarriko lukeen, eta milaka sinadura biltzen hasiko dira gutxieneko soldata propioren alde.
Gaur amaitzen da Arrasateko Ekide enpresako EEE negoziatzeko epea. Enpresak jakitera eman duenez, 15 langile kaleratuko ditu, besteak beste, ekonomia, antolaketa eta ekoizpen arrazoiengatik.
