Gasteizen gara hamaika eragile sindikal eta sozial ikasturteko erronkak identifikatu eta elkarlanean horiei erantzuteko proposamenak adosteko.
Irailaren 30ean, Karta Sozialak deituta, 40 eragiletik gora bildu ginen Ozaetan, bizi dugun krisi ekosozialari elkarrekin aurre nola egin gogoetatzeko. Behin jardunaldiak pasata, ikasturteko asanblada orokorra egin dugu Karta osatzen dugunok, ikasturteko mugarri nagusiak zehaztu eta plangintza adosteko.
Greba Orokor Feminista izan dugu hizpide, eta zaintza eskubide kolektiboaren aldeko borrokari atxiki gatzaizkio, baita greba batzordeetan parte hartzeko konpromisoa hartu ere. Era berean, azaroan zehar osasungintza publikoaren alde nahiz pentsioak 1.080 eurotan osagarritzearen alde egingo diren ekimen herritarretan ekarpena egiteko asmoa adierazi dugu.
Bestaldeā Ā“Su Txikien Itsasoaā jardunaldiari segida emateko asmoz, hitzordu berri bat jartzea erabaki dugu gaurko egunean, bertan parte hartu zuten eragile zein dinamikara gehitu nahi dutenei irekita Antolatzaileen hitzetan, ākrisi ekosozial larria bizi dugu eta, bakoitza bere borrokan ezinbestekoa bada ere, elkarrekin eta elkarlanean eraldaketa sozialari hauspoa emateko ekimen berriak behar dituguā. Horregatik, udaberri-udarako mobilizazio indartsu bat prestatzeko proposamenari bide ematea erabakiz amaitu dugu gaurko asanblada orokorra.
