Presoak etxera bideak jartzeko eskatuz, euskal presoen eskubideen defentsan mobilizatu gara gaur Bilbon sindikatuok (LAB, ELA, UGT, ESK, STEILAS, CGT/LKN, CNT, EHNE, HIRU eta Etxalde), Sareren eskutik. Bertan izan da GarbiƱe Aranburu LABeko Koordinatzaile Orokorra eta salatu du urte luzez kolektiboak pairatu behar izan duen dispertsio politika, eta horrek preso zein senideentzat ekarri duen “sufrimendu justifikaezina”. Gaur presoak etxetik gertuago izatea āmobilizazioari eta presioari eskerā dela adierazi du, āeremu politiko-instituzionalean bai sindikatuen artean, bai eremu sozialean adostasun zabaletara iristeko borondatea eta determinazioa izan delako”.
Gaur oraindik presoen kolektiboari salbuespenezko neurriak aplikatzen zaizkiola salatu du LABeko ordezkariak, āhaien eskubidek urratzen dira, eta sufrimendua, luzamendua dakar etxera bueltatzeko eskubideari dagokioneanā.
Egoeraren aurrean “ahotsa altxa, kalean mobilizatu eta presio egiten jarraitzeko” deia egin du Aranburuk, datozen egunetan presoen eskubideen aldeko mobilizazioetan parte hartzearen garrantzia azpimarratuz. Dei berezia egin die afiliaziazioari eta euskal jendarteari, urtarrilaren 7ko manifestazioetan parte hartzeko.