Aste honetan hil da Patri Alvarez, Eskumaldeko LABkide sutsu eta konprometitua, lehen lerroko militantea, ez zen etxean gelditzen den horietakoa. Leioakoa auzokidea zen, eta, sindikatutik aparte, bestelako mugimenduetan ere konprometitu zen, hala nola, mugimendu feministan, hezkuntzaren aldekoan eta Ezker Abertzalean. Azken urteotan pentsiodunen borrokan ere buru-belarri inplikatu zen; batez ere ezkutuan zegoen emakume pentsiodunen egoera ikustarazteko egin zuen lan. Larunbatean, irailaren 4an, egingo diogu herri-agurra. Leioako Ondizeko plazan izango da, 19:00etan.
Leioan egingo diogu Patriri herri-agurra
0
AZKEN ALBISTEAK | ÚLTIMAS NOTICIAS
EAEko gobernu berriaren aurrekontuak langileon parte hartzerik gabe zehaztu dira
Sakoneko eztabaidari heltzeko borondatearekin batera proposamen zehatzak egiteko prest dagoela azaldu du LABek, langileen aldeko politikak egiteko garaia dela azpimarratuz.
Greba egunak deitu ditugu abenduaren 5ean eta 7an Arabako ostalaritzan, hitzarmen duinaren alde
Arabako ostalaritzako langileek lau urte daramatzate hitzarmenik gabe. Lau urte lanaldia murriztu gabe, lau urte soldata-igoerarik gabe eta, beraz, erosteko ahalmena galduta. Lau urte kontziliazio-neurri berririk gabe, baimen berririk gabe.
Jakinarazi dugu 2024an Nafarroako 5 langile gehiago hil direla, eta Nafarroako Gobernuari exijitu diogu nafar langileen heriotza etengabeari amaiera emanen dioten neurriak hartzeko
Gaur egin duen agerraldian LAB sindikatuak jakinarazi du 2024an zenbatuta zeudenak baino 5 langile gehiago hil direla. Hala, aurten, azken urteetako tasa guztiak apurtu ditu Nafarroak, 2024 honetan dagoeneko 26 lan heriotza izan baitira. Egoera larri horren aurrean, LABek uste du Elkarrizketa Sozialaren Kontseiluak barnebiltzen dituen CEN patronaleko enpresarien, eta UGT eta CCOO sindikatuen interes korporatiboak ezin direla jarri langileon osasunaren eta bizitzaren gainetik eta, ondorioz, Gobernuari exijitu dio Nafarroako Lan Osasuneko Kontseilua aktibatzea, bertan egoera zuzentzeko beharrezkoak diren neurriak har daitezen.