2025-03-11
HomeZerbitzu PublikoakZerbitzu SoziokomunitarioaBizkaiko Gizartegintza sektorearen defentsan kalera irten dira ordezkaritza duten sindikatuak

Bizkaiko Gizartegintza sektorearen defentsan kalera irten dira ordezkaritza duten sindikatuak

Bizkaiko sektorean ordezkaritza duten eta Bizkaiko Gizartegintzako Hitzarmen Kolektiboaren negoziazio mahaian alderdi soziala osatzen duten sindikatuak sektorea defendatzeko dinamika bati ekin diote. Atzo Bizkaiko Foru Aldundiaren aurrean bildu ziren ematen ari diren murrizketak geldi daitezela eta hauek dakartzaten eraginak salatzera.

LAB sindikatuaren irakurketa
BIZKAIKO GIZARTEGINTZAREN DEFENTSAN
«Bizkaiko laugarren Gizartegintzaren hitzarmen kolektiboa bete-betean negoziatzen ari gara gaur egun. Negoziazio kolektiboa langileriak daukan baliabidea da, sektore edo jarduera jakin baten lan baldintzak, eta neurri batean, haren jarduera bera arautzeko eta hobetzeko. Guri dagokigunez, hori egiazta daiteke.

Egun arte egin diren negoziazio kolektiboetan eta hauetatik atera diren hitzarmenak, erabakigarriak gertatu dira zerbitzuak zelan eta zein baldintzetan gauzatu behar diren finkatzeko.

Hirugarren Sektorea izenarekin ezagutzen den esparruan sartzen diren jarduera eta ekimen oro, Gizartegintzaren esparruan kokatzen direnak (hauen titularrak, sustatzaileak eta/edo finantzatzaileak erakundeak dira) azken urtetan erabilitako politiken ondorioak nozitzen ari da.

Etengabe jazotzen dira murrizpenak eta atzeratzeak diru-laguntzen emakidan, programen, hitzarmenen eta kontzertuen argitalpenean; dagokion aurrekontu-partida etengabe urritzen dute edo euren kabuz ezabatzen dute eta programa eta/edo zerbitzua bera deuseztatzen dute. Horrek berekin dakar: jendeak gizarte-estaldura galtzen ari dela, prebentzio eta sustatze neurriak erabiltzen ari direla, eta baita ere, lan baldintzak nabarmenki galtzea eta enplegua suntsitzea. Beharrezkoa den eta balio erantsi garrantzitsua duen enpleguaz ari gara.

Sinesten dugu gizartean sartzea eta partaidetza sustatzeko erabili behar diren politika sozialen garapena (prebentziozkoak edo gizarte-bazterketa prozesuak leuntzeko arlo sozio-laboralean, soziosanitarioan, sozioedukatiboan) eta hiritartasun osoa bermatuko duten, gizarte-justizia sustatuko duten eta bazterkeriaren egiturazko zioei ekitea xede duten politika sozialen garapena inoiz baino beharrezkoak gertatzen direla gaur egun, eta balio sozial garrantzitsua ordezkatzen dutela, sustatzen duten gizarte-kohesioagatik eta eragiten duten enpleguagatik.

Bizkaiko sektorean ordezkaritza dugun sindikatuok eta Bizkaiko Gizartegintzako Hitzarmen Kolektiboaren negoziazio mahaian alderdi soziala osatzen dugunok sektorea defendatzeko dinamika bati ekin diogu. Erakundeetan ordezkatuak dauden alderdi politikoei bilerak egitea eskatu diegu, gure diagnostikoa agertzeko eta zerbitzu hauen titularrak izanik, partaide diren erakunde guztietan konpromisoak har ditzaten.

Baina sektorea babestu eta garatu nahi badugu, sektorean dihardugun pertsona eta erakunde guztien arteko indarrak eta asmoak batzeko, eta hau guztia mobilizazioetan isla dadin, gauza izan beharko dugu.

Honengatik guztiarengatik, gure lehen deia sektorean lan egiten duten langile eta boluntario guztiei egiten diegu; sektorearen defentsan parte hartzera animatzen zaituztegu.

Gogoratu, zure partaidetza eta ekarpena ezinbestekoak direla!!»
 

 

 

AZKEN ALBISTEAK | ÚLTIMAS NOTICIAS

LABek Tafallako eta Erriberriko larrialdiko arreta berrantolatzea exijitzen du

Iazko irailaren 26an, Erriberriko larrialdiko arreta zerbitzua itxi zuten, eta Tafallako eskualdeko larrialdi zerbitzua egoera kezkagarrian dago. Hori ikusita, ezinbestekoa da Tafallaldeko larrialdiko arretari berehalako konponbide orokor bat ematea. Langileek eta herritarrek egoera salatu dute, eta adierazi dute ezen, Erriberriko larrialdi zerbitzua itxi ondoren, lehenengo arreta ematea langile ez-sanitarioen esku utzi dela, zehazki, administrarien esku. LABek horren berri eman zion duela hilabete batzuk bai Oinarrizko Osasun Laguntzako Zuzendaritzari, bai Ospitalez kanpoko Larrialdien Zuzendariordetzari. Hala ere, konponbideak jarri beharrean, funtzionamendu berarekin jarraitzen dute, herritarrei ematen zaien zerbitzuaren gabeziak konpondu gabe.

LABek eskubide murrizketa salatu du Bilboko El Corte Ingles-en

LAB Bilboko El Corte Ingles-en aurrean mobilizatu da langileen lan-baldintzen errealitatea enpresak saltzen duen bikaintasun-iruditik oso urrun dagoela salatzeko.

GUREAKek laneko bajak ez izatera kondenatzen ditu aniztasun funtzionala duten langileak

Mutualia erabiltzen du horretarako, ez baitu onartzen laneko istripuen jatorri laborala. Langileen minusbaliotasunak koartada gisa erabilitzen ditu, eta, hala, lanak eragindako kalteak aitortzea saihesten du.