Osakidetzako garbitzaileak euren lan baldintzen defentsan mobilizatu dira berriro, maiatzean zehar gauzatzen ari diren dinamika mobilizatzailearen harira. Hain zuzen ere, bi okupazio egin dituzte protesta moduan: Garbialdi enpresaren biltegian sartu dira Trapagaranen, eta Osakidetzaren egoitzan Gasteizen, LAB, ELA, UGT, CCOO eta ESK sindikatuok deituta. Era berean, Bilbon eserialdia egin dute Jaurlaritzaren egoitza aurrean eta Donostian elkarretaratzea gauzatu dute, Osasun sailaren bulego atarian.
Maiatzaren 27an jarraipena izango dute mobilizazioek, egun horretarako deitutako grebarekin.