2024-11-22
HomeZerbitzu PublikoakUdal eta Foru AdministrazioaErtzaintzak eta Bilboko Udaltzaingoak Urazurrutian erakutsitako jarrera gaitzesten dugu

Ertzaintzak eta Bilboko Udaltzaingoak Urazurrutian erakutsitako jarrera gaitzesten dugu

Gaur goizean Urazurrutia kalean Ertzaintzak eta Bilboko Udaltzaingoak egindako ekintza larriaren aurrean, auzoko bizilagun baten etxegabetzea saihestu nahi zuten pertsonak erasotu dituzte, Bilboko Udaleko LABeko atal sindikalak gogor gaitzetsi nahi du bi poliziek izan duten jarrera.

Bestalde, Udaltzaingoa bere eskumenekoak ez diren ordena publikoko eginkizunetan erabili dela salatu nahi dugu.

Gaur gertatutakoarekin, Juan Maria Aburto alkatea Bilboko Udaltzaingoa eredu autoritario eta errepresibo batera eramaten ari da, eta gero eta gehiago urruntzen ari da ustez defendatzen duen hurbileko polizia-eredutik.

Alkateak alde batera uzten du Segurtasun Akordioa, aho batez onartua, eta praktikan EAJ-PSEren gobernuak Arkauteko polizia akademiatik inplementatzen duen polizia errepresiboaren eredua babesten du.

Horrenbestez, alkateak Udaltzaingoaren gutxiengo baten sektore baten eskakizunei men egiten die. Sektore honek, jarrera atzerakoi eta autoritarioa denak, behin eta Berriro eskatzen du hurbileko polizia-ereduarekin bateraezina den materiala (kaskoak, ezkutuak, taserra).

Gogorarazi nahi dugu 2013an Bilboko Udaleko Enpresa Batzordeak (ELA, LAB, SVPE, CCOO eta UGT) aho batez onartu zuela adierazpen bat, non Gobernu Taldeari honako hauek eskatzen zaizkion:

– Udaleko langileak etxegabetzeen ondoriozko kaleratzeetan ez erabiltzea.

– Langile publikoak ez daitezela bihurtu banketxeen interesen zerbitzurako tresna.

Gainera, sindikatu sinatzaileok, une hartan gure konpromisoa eta babesa adierazi genituen egoera horietan zuzenean eragin zezaketen langile-taldeekin.

LAB behin eta berriz agertu da Udaltzaingoa ordena publikoko jardueretan erabiltzearen aurka; gu izan gara Udaltzaingoak istiluen aurkako materiala erosi eta erabiltzearen aurka agertu garen bakarrak.

Jarduera horiekin, Alkatea, Zinegotzia eta Udaltzaingoaren Zuzendaritza arriskuan jartzen ari dira agenteen segurtasuna, eta, gainera, herritarrak gero eta gehiago aldentzea eta errepresio-gorputz gisa ikustea lortzen ari dira. Segurtasun Itunean adostutakoa errespetatzea eskatzen dugu.

Horrez gain, gure elkartasuna adierazi nahi diegu etxegabetzeak kaltetutako pertsonari eta gaur hari laguntzera modu solidarioan hurbildu eta eraso egin dieten pertsonei.  

AZKEN ALBISTEAK | ĂšLTIMAS NOTICIAS

Jakinarazi dugu 2024an Nafarroako 5 langile gehiago hil direla, eta Nafarroako Gobernuari exijitu diogu nafar langileen heriotza etengabeari amaiera emanen dioten neurriak hartzeko

Gaur egin duen agerraldian LAB sindikatuak jakinarazi du 2024an zenbatuta zeudenak baino 5 langile gehiago hil direla. Hala, aurten, azken urteetako tasa guztiak apurtu ditu Nafarroak, 2024 honetan dagoeneko 26 lan heriotza izan baitira. Egoera larri horren aurrean, LABek uste du Elkarrizketa Sozialaren Kontseiluak barnebiltzen dituen CEN patronaleko enpresarien, eta UGT eta CCOO sindikatuen interes korporatiboak ezin direla jarri langileon osasunaren eta bizitzaren gainetik eta, ondorioz, Gobernuari exijitu dio Nafarroako Lan Osasuneko Kontseilua aktibatzea, bertan egoera zuzentzeko beharrezkoak diren neurriak har daitezen.

BetiOn Eusko Jaurlaritzaren telelaguntza-zerbitzuaren hitzarmena sinatu dugu, gutxieneko %30,08ko soldata-igoerarekin

Ostegun honetan, azaroaren 21ean, LAB sindikatuak hitzarmen kolektiboa sinatu du EAEn telelaguntzako eta jarduera soziosanitario osagarrietako zerbitzu publikoa kudeatzen duen Ilunion sozio-sanitario-Ibermática Aldi Baterako Enpresa Elkartearentzat. Honek 80.000 herritar baino gehiago artatzen ditu.Negoziazio luzea eta gogorra izan da. Bi enpresaren eta Eusko Jaurlaritzaren aurkako negoziazioa, azken honek pribatizatzen baitu langileek ematen duten zerbitzu publikoa. Hala ere, langile nekaezin eta aktiboek egindako borrokaren ondorioz, hobekuntza oso garrantzitsuak lortu dira:Soldata-igoera • Gutxienez % 30,08ko soldata-igoera lortu da. Gainera, KPIari lotutako igoera da, eta hori bermatzeaz gain, erosteko ahalmena benetan berreskuratzea dakar. • % 30,08ko igoera hori, oinarrizko soldatari ez ezik, soldata-osagarri guztiei ere aplikatuko zaie.Lanaldi-murrizketa Urteko lanaldia 1.592 ordukoa izango da, eta orain artekoa ia hiru lanaldi osotan murriztuko da.Lizentziak, familia-kontziliazioa eta urteko lanaldia doitzeko egunak: • 12 urtetik 14ra igotzea zaintzagatiko lanaldi-murrizketa. • Ordaindutako lizentzia guztiak parekatzea ahaidetasun sozial gisa izendatutako pertsonarentzat. • Malgutasun handiagoa urteko lanaldia doitzeko egunetan. • Hitzarmen bidez erregularizatzea jaiegun arruntetan lan egiteagatiko konpentsazioa, errege-dekretuaren arabera, LABek aurretik aurkeztutako salaketaren aurrean.LABen argi dugu lortutako hobekuntza guztiak langileen zati handi batek egindako mobilizazio, greba eta batzarrei esker lortu direla. Borroka honek merezi izan du.Jakin badakigu oraindik eduki garrantzitsuak daudela lortzeko, eta LABek horiei aurre egiten hasi nahi du. Sindikatu honek argi dauka BetiOneko langileek zerbitzu publikoa ematen duela eta langile publikoak direla.Gaurtik aurrera, LAB lanean hasiko da langileekin publifikaziorako bidea eta urrats zehatzak adosteko, eta hori onuragarria izango da bai langileentzat bai zerbitzu horren erabiltzaileentzat.Amaitzeko, LABek bere onespen zintzoa adierazi nahi die lan-baldintza bidezkoagoen alde borrokatu diren pertsona guztiei. Iritzi desberdinak, beti legitimoak eta askotan beharrezkoak izan arren, egindako bidea egin gabe ez ziren hobekuntza garrantzitsu horiek lortuko.

Araudiaren erreformak atzeratu egiten du erregularizazio masiboa Atzerritarren Legea indargabetzeko beharrezko urrats gisa

Atzerritarren Legearen araudiaren erreforma onartu zuen pasa den asteartean Espainiako Gobernuak. Maiatzaren 17an sartuko da indarrean, Gizarteratze, Gizarte Segurantza eta Migrazio Ministerioak bultzatuta.