2025-03-11
HomeIndustriaIndustria KimikoaCementos Rezolako ABEEEaren aurka mobilizatzen jarraitzen dugu

Cementos Rezolako ABEEEaren aurka mobilizatzen jarraitzen dugu

Añorgako Cementos Rezolako langileek berriro protesta egin dute gaur enpresaren aurrean, ABEEEaren aplikazioa salatzeko. Enpresa erabat justifikatu gabeko ABEEE bat aplikatzen ari da aldebakartasunez. Lan karga dago guztientzat, eta enpresak azpikontratetako langileengana jo behar du jarduerari dagozkion lanak egin ahal izateko.

Cementos Rezolan, gaur egun, langile gutxi dago lanak behar bezala egin ahal izateko. Beharrezkoa da inbertsioak egitea eta prebentzio eta mantentze lanak behar bezala egitea. Aldiz, inposaketa eta ABEEak soberan daude. Horregatik inpugnatu du LAB sindikatuak ABEEa Auzitegi Nazionalean.

Bitartean, langileok aldi baterako enplegu-erregulazioko espedientearen aurka eta langileen eskubideak errespetatzearen alde mobilizatzen jarraituko dugu. Mobilizazio hauek enpresak lan-erregulazioko espedientea behin betiko erretiratu arte iraungo dute. Cementos Rezolan ABEEErik ez!

AZKEN ALBISTEAK | ÚLTIMAS NOTICIAS

LABek Tafallako eta Erriberriko larrialdiko arreta berrantolatzea exijitzen du

Iazko irailaren 26an, Erriberriko larrialdiko arreta zerbitzua itxi zuten, eta Tafallako eskualdeko larrialdi zerbitzua egoera kezkagarrian dago. Hori ikusita, ezinbestekoa da Tafallaldeko larrialdiko arretari berehalako konponbide orokor bat ematea. Langileek eta herritarrek egoera salatu dute, eta adierazi dute ezen, Erriberriko larrialdi zerbitzua itxi ondoren, lehenengo arreta ematea langile ez-sanitarioen esku utzi dela, zehazki, administrarien esku. LABek horren berri eman zion duela hilabete batzuk bai Oinarrizko Osasun Laguntzako Zuzendaritzari, bai Ospitalez kanpoko Larrialdien Zuzendariordetzari. Hala ere, konponbideak jarri beharrean, funtzionamendu berarekin jarraitzen dute, herritarrei ematen zaien zerbitzuaren gabeziak konpondu gabe.

LABek eskubide murrizketa salatu du Bilboko El Corte Ingles-en

LAB Bilboko El Corte Ingles-en aurrean mobilizatu da langileen lan-baldintzen errealitatea enpresak saltzen duen bikaintasun-iruditik oso urrun dagoela salatzeko.

GUREAKek laneko bajak ez izatera kondenatzen ditu aniztasun funtzionala duten langileak

Mutualia erabiltzen du horretarako, ez baitu onartzen laneko istripuen jatorri laborala. Langileen minusbaliotasunak koartada gisa erabilitzen ditu, eta, hala, lanak eragindako kalteak aitortzea saihesten du.