2024-11-22
HomeIndustriaMetalgintzaGreba egin dute Sestaoko Vicinay enpresako langileek

Greba egin dute Sestaoko Vicinay enpresako langileek

Mobilizazio desberdinak egin dituzte egunean zehar.

Vicinay Sestaoko enpresa-batzordeak metalgintzako lantegiko 155 langileak 24 ordutako grebara deitu ditu. Hain zuzen ere, astearteko 06:00etan hasi eta asteazkeneko 06:00etan amaituko dira lanuzteak.

Enpresako langileek ia bi urte eta erdi daramatzate hitzarmenik gabe, eta, era berean, enpresa bikaintasun sariak jasotzen ari da. Langileek hainbat mobilizazio egin dituzte egunean zehar: elkarretaratzeak, asanblada informatiboa eta manifestazioa enpresa ataritik Sestaoko Udaleko plazaraino, besteak beste. 
 

 

 

AZKEN ALBISTEAK | ÚLTIMAS NOTICIAS

EAEko gobernu berriaren aurrekontuak langileon parte hartzerik gabe zehaztu dira

Sakoneko eztabaidari heltzeko borondatearekin batera proposamen zehatzak egiteko prest dagoela azaldu du LABek, langileen aldeko politikak egiteko garaia dela azpimarratuz.

Greba egunak deitu ditugu abenduaren 5ean eta 7an Arabako ostalaritzan, hitzarmen duinaren alde

Arabako ostalaritzako langileek lau urte daramatzate hitzarmenik gabe. Lau urte lanaldia murriztu gabe, lau urte soldata-igoerarik gabe eta, beraz, erosteko ahalmena galduta. Lau urte kontziliazio-neurri berririk gabe, baimen berririk gabe.

Jakinarazi dugu 2024an Nafarroako 5 langile gehiago hil direla, eta Nafarroako Gobernuari exijitu diogu nafar langileen heriotza etengabeari amaiera emanen dioten neurriak hartzeko

Gaur egin duen agerraldian LAB sindikatuak jakinarazi du 2024an zenbatuta zeudenak baino 5 langile gehiago hil direla. Hala, aurten, azken urteetako tasa guztiak apurtu ditu Nafarroak, 2024 honetan dagoeneko 26 lan heriotza izan baitira. Egoera larri horren aurrean, LABek uste du Elkarrizketa Sozialaren Kontseiluak barnebiltzen dituen CEN patronaleko enpresarien, eta UGT eta CCOO sindikatuen interes korporatiboak ezin direla jarri langileon osasunaren eta bizitzaren gainetik eta, ondorioz, Gobernuari exijitu dio Nafarroako Lan Osasuneko Kontseilua aktibatzea, bertan egoera zuzentzeko beharrezkoak diren neurriak har daitezen.