Euskal gehiengo sindikalak elkarretaratze bat egin du gaur Bilbon, Eusko Jaurlaritzaren ordezkaritzaren aurrean. Hain zuzen ere, Elorrion joan den ostiralean hildako garraiolaria izan dugu gogoan, eta, honekin batera, lan heriotzak salatu ditugu berriro. LAB, ELA, ESK, STEILAS, EHNE eta HIRU sindikatuok salatu dugu aurten, dagoeneko, 12 pertsona hil direla lanean; horietatik sei errepidean galdu dute bizia, gidari eta garraiolariak baitziren. 2017. urtean, lanean hildako 53 langileetatik zortzi garraiolariak ziren.
Azken lan heriotza salatu dugu Bilbon
0
AZKEN ALBISTEAK | ÚLTIMAS NOTICIAS
Osakidetzaren inguruko akordioak agerian utzi du orain arte egin diren langileekiko politikak aldatu behar direla
EAEko parlamentuan gaurko egunez EAJ, EHBildu eta PSE alderdiek onartu duten akordioak baieztatu egiten ditu sindikatutik eremu horretan salatu izan ditugun arazoak.
Garraiolari bat hil da lan-istripuz Nafarroan
Gaur goizean langile gipuzkoar bat zendu da gai arriskutsuak garraiatzen ari zela Lodosan. 2024an dagoeneko 10 garraiolari hil dira Euskal Herrian. Orotara, 43 langile hil dira lan istripuz, laneko gaitzak aintzat hartu gabe.
Enplegu-zentro berezietako langileen lan-eskubideak benetan eta eraginkortasunez arautzea eskatzen dugu
Joan den irailaren 23an, EHLABEk, enplegu-zentro berezien patronalak, Mikel Torres EAEko lehendakariordearen eskutik, sei urteko gizarteratze eta laneratze proiektua aktibatu zen. Honen helburua aniztasun funtzionala duten 2.000 pertsona baino gehiago prestatzea, gizarteratzea eta laneratzea da; Lan-Aukera izena eman zaio, eta Europar Batasunak finantzatuko du, 10 milioi eurotik gorako aurrekontuarekin.